KARIBU TENA

KARIBU TENA

Tuesday, June 21, 2016

Kupendeza kwa mwenza wako hakuna umri wala cheo

Namshukuru Mungu kwa ajili yako wewe mdau wangu wa nguvu, unaendelea kutembelea blog yangu  ya mapreciouswaukweli.blogspot.com na kujifunza mambo Mengi ya kujenga familia bora na mahusiano kwa ujumla.

Hakika katika maisha ya kawaida kila mtu anapenda kumtanzama mtu aliye pendeza tena mwingine humsindikiza kwa macho hadi anapoishia wengine huanza safari ya kumfatilia mtu huyo hadi mwisho.

Usishangae Inawezekana wewe ujawahi kukutana na kasumba hiyo ila tembea uone Mengi.

Wahenga walisema kua uyaone siyo majengo hapana Kuna watu wanajipenda chini yajua ukiwaona unaweza ukadhani malaika.

Suala la kujipenda wengine ni hulka lakini siyo hulka mbaya ni nzuri hata wewe unaweza kwanza kuitumia ili kujenga familia bora yenye afya inayojipenda.
 
Mtu anayejipenda hawezi kufanya ngono ovyo wala na mtu asiyemjua vizuri, hivyo unadhifu huo utakuepusha na Mengi yakiwemo maradhi ya zinaa na Ukimwi. 

Hii siyo kwa wanawake tu hata wanaume wanapaswa kujifunza kwa kuanzia mwilini mwao, mavazi hadi katika malazi.

Inawezekana unakimbiwa mtu unaye fikiria anaweza kuwa mke au mme kila siku wewe unalia kwenye mapenzi unajiuliza Pengine wewe hujui kupenda nini kumbe tatizo ni hulka yako ya uchafu.

Nguo zenyewe unavaa ilimradi tu umevaa alafu unajiuliza kwanini wewe hausifiwi kama wengine kuwa umependeza?  Badilika usivae nguo za aina moja.

Tatizo siyo sura tatizo mwonekano wako hauridhishi na jasho nalo unanuka embu nusu kwapa lako, unalisikiaje vipi kwa mtu mwingine anaweza kustahimili.

Kujipenda hakuchagui umri wala cheo umaridadi uficha umasikini jipende kabla ya kupendwa na mtu mwingine.

Kwa leo naomba niishie hapa nawapongeza wale wote ambao umri umeenda na bado wanajipenda.

Endelea kutembelea mapreciouswaukweli.blogspot.com kwa ubunifu zaidi,uokoe familia yako na nyumba yako kwa ujumla.

Sunday, June 19, 2016

Akina baba wapendeni watoto wenu Bila kujali jinsia

Katika kusherekea siku ya baba duniani akina baba embu tumieni siku yenu hii kudumisha upendo wenu kwa familia na hususani watoto.

Nimeamua kuandika makala hii nikijua wazi kuwa Kuna akina baba wengi wamejenga chuki kwa watoto wao kisa ni wa jinsia fulani.

Baba unajisahau kuwa wewe ndiyo uliyepanda mbegu hizo au unadhani mayai yanaweza kujibadilisha na kuwa jinsi fulani? 

Hili limekuwa tatizo kwa wanandoa wengi na baadhi ya Ndugu wa mwanaume kuwa mkeo hazai watoto wa kike anazaa wa kiume tu.

Baba umesahau kuwa yule rafiki yako hana hata mmoja na anaomba usiku na mchana apate wa jinsia yoyote.

Wewe baba usimpangie Mungu yeye Ndiye anayepanga kukupa,  sasa mbona unalalama sana.

Akina baba jitahidini kuridhika na hali halisi na ikiwezekana shirikiana na mwezako kujenga familia bora na Mungu atawabariki.

Nawatakia Akina baba wote sikuku njema msherehekee kwa Amani na upendo katika familia zetu kumbuka kuteleza siyo kuanguka happy Father's day.

Nawapenda sana wazazi wangu na watoto wangu Mungu awabariki.

Mapenzi kikohonzi kuyaficha siwezi

Nashukuru Mungu kwa ajili yako wewe mdau wa blog ya mapreciouswaukweli.blogspot.com kwa kuendelea kutembelea na kupata maujuzi zaidi ya mahusiano.

Ama kweli mapenzi kikohonzi kuyaficha si rahis, ninachokizungumza kila mlenga kila mmoja wetu Bila kuangalia umri.

Siku moja nilikuwa natembea nikakutana na kuku jogoo na mtetea wanabembelezana nikasisimka nikawaangalia kisha nikasema kweli mapenzi kikohonzi.

Kila kiumbe chenye uhai kinamapenzi sasa kwa binadamu ndiyo inanishangaza zaidi wadau wangu.

Kila siku  napokea ujumbe humu ndani ndani, Kuna mdau yeye anapenda sana mkewe ila mkewe haioni wala hajali anaumia sana kwa sababu Kuna wakati anashindwa hata kufanya kazi zake vizuri.

Siku moja mdau mwingine naye anasema mume wake ni kidonda kila siku lazima amuumize moyo wake, na huyo mrembo anampenda mpaka halali usingizi wake amehamishia kwa jamaa.

Haya mapenzi kweli kikohonzi kuyaficha hatari jamani unapogundua kuwa unapendwa acha kuchezea moyo wa mwezako maana ipo siku inakuja utajuta. 

Mapenzi si kitu cha kujaribu maana yana madhara makubwa ya kisaikolojia na kimwili wengi wameshindwa hata kufanya kazi na majukumu yao mengine.   

Sasa wewe unasikia raha gani kuishi ukiwa unanig'iniza moyo wa mwezako hewani Muda wote?

Usichopenda kufanyiwa usimfanyie mwingine kumbuka dunia Mapito tupo safarini hapa hakuna aliyenitakia.

Kumbukumbu kumtanguliza Mungu kwa kila jambo maana njia zake hazichunguziki yeye anatibu maumivu uliyo nayo .

Endelea kutembelea mahabati uelimike zaidi mapreciouswaukweli.blogspot.com huku Kuna makala motomoto za mahaba.

Saturday, June 18, 2016

Usikate tamaa kwa kuchelewa kuoa au kuolewa

Namshukuru Mungu kwa ajili yako wewe unayesoma makala hii jiandae kupata kitu kipya katika maisha yako.

Kuchelewa kuolewa au kuoa kwa waliyo wengi imekuwa ni moja ya changamoto inayowasumbua wengi kimwili na kisaikolojia.

Wengi wamejikuta wakikata tamaa na kuchukua maamuzi ambayo haujibu mfumo mzima wa maisha.

Wengine wajikuta wanazaa na waume za watu na kusababisha watoto kukosa malenzi bora na kujizolea lana.

Siku moja nilikutana na mdau wangu ananiambia anajutia maisha yake kwa kuzaa na Mume wa mtu sasa mtoto anamsumbua anamtaka baba yake na huyo mwanaume hataki hata kusikia.

Inaumiza sana wengine hujikuta wanaangukia kwa mashuga mamy au wazee wanaolingana na wazee wao.

Kila jambo lina wakati wake kama uliteleza mwombe Mungu akuumbe upya mwombe Mungu toba ya kweli akutengeneze upya uanze maisha mapya.

Mume wako yuko anakuja endelea kusubiria ukiwa katika maombi Mungu hachelewi wala Hawai.

Mungu amekupangia mambo Mengi mazuri amini hivyo na ipo siku utasema kupitia blog hii....

Tuesday, June 14, 2016

Bila Mungu uwezi kufaulu kumpata huyo

Namshukuru Mungu kwa siku ya leo maana Bila yeye nisingeweza kufanya hiki yote ni kwa utukufu wake.

Kuna wakati unakuwa unamwitaji mtu ambaye unahisi anaweza kutimiza ndoto yako ya kuwa na familia bora yenye Amani na upendo.

Na unatumia pesa na nguvu ulizo nazo Bila kumdhirikisha Mungu, inataka dakika ya mwisho unaona hakufai.

Mungu ni mwaminifu sana Kwa watu wake na ametuaihidi mambo Mengi mazuri ikiwemo mke mwema na Mume mwenye hekima.

Embu Anza sasa kuzungumza na Mungu katika moyo wako ukimuuliza na kumwelezea kile unachokitaka na ikiwezekana andaa moyo wako kwa ajili ya furaha na mtu mpya.

Mungu hajawahi kushindwa hata siku moja, binadamu tunashindwa na kupata tamaa ila msaada uko wa Mungu aliye hai.

Mimi nina ushuhuda wa kweli kabisa Mungu alinitendea wakati namwomba anipe Mume kulikuwa na vikwanzo vingi ila mwisho akaniinua maadui wakaa pembeni.

Hata wewe unayesoma makala hii Inawezekana Kuna mtu anausumbua moyo wako na umefika mahali unaona uwezi tena kuendelea naye mwambie Mungu.

Kwa kutembelea mahabati utajifunza Mengi sana usichoke Soma maana maarifa Mengi yapo hapa mahabati.

Kumbuka kuwa Mungu ni Mungu tu haijalishi wanakuta jina gani wewe ni mshindi katika ndoa yako na mahusiano yako. 

Usiache kutoa maoni yako jinsi ulivyosaidika na mahabati

Sunday, October 13, 2013

Bonnah Education Trust Fund ikidhaminiwa na kampuni ya Simu ya mkonon Tigo yafanya uzinduzi wa mfuko wa elimu wa aina yake.


Mkurugenzi wa Bonnah Education Trust fund Bi Bonnah Kaluwa  aelezea kufurahishwa na mafanikio ya uzinduzi wa mfuko wa kusaidia watoto wasiyokuwa na uwezo wa kulipa ada waliyofaulu kuingia kidato cha kwanza iliyofadhiliwa na Kampuni ya simu ya mkononi ya nchini Tanzania Tigo


Baadhi ya washiriki wa maonyesho ya mavazi wakiwa jukwani na ujumbe wa elimu kwa jamii kama unavyoonekana katika eneo la Mlimani City jijini Dar es Salaam.


Mkurugenzi mtendaji wa Bonnah Education Trust Fund Katikati akiwa na washiriki wa maonyesho ya mavazi jana mlin City jijini Dar es salaam

Mkurugenzi Bonnah Akiwa na Vijana wa maonyesho ya sarakasi waliyokuwa wakinogesha uzinduzi wa mfuko huo wa kuhamasisha kuchangia elimu.


Kushoto ni Bi Regina Ogwao katikati ni mkurugenzi wa Bonnah Education Trust Fund Bonnah Kaluwa nakulia ni Mwenyeki wa umoja wa vijana wa CCM Kata ya Kipawa Saidi Mkuwa Mlimani City Jijini Dar es salaam.


baadhi ya wadau wa Bonna Education Trust Fund wakijadiliana Jambo na mkurugenzi wa Bonnah Kaluwa

Akizungumza na Bloga hii mkurugenzi mtendaji wa Bonnah Education Trust Fund, na Diwani wa kata ya Kipawa jijini Dar Es salaam Mheshimiwa Bonnah Kaluwa alisema kuwa, uzinduzi huo umeambatana na maonyesho ya mavazi yaliyoanzia mnazi mmoja hadi mlimani City jijini Dar es Salaam.


Uzinduzi huo ulipambwa michezo mbalimbali ikiwemo sarakasi, maonyesho ya mavazi, pamoja na mabango mbalimbali yaliyokuwa na ujumbe wa elimu.

Washiriki katika maonyesho hayo wameelezea kufurahishwa kwao na kitendo cha Mheshimiwa Bonnah Kaluwa,kutambua umuhimu wa elimu katika familia masikini na kuamua kuwasaidia.

Thursday, October 10, 2013

Mkurugenzi wa Bonnah Education Trust Fund amewataka watanzania kujenga utamaduni wa kusaidwatoto waliyofaulu darasa la saba na kukosa ada ya elimu ya sekondari kuendelea



Mkurugenzi wa Bonnah Education Trust Fund na Diwani wa Kata ya Kipawa Manispaa ya Ilala jijini Dar es salaam Mheshimiwa Bonnah Kaluwa ameitaka jamii kujenga utamaduni wa kupenda kusaidia watoto wanaofaulu elimu ya msingi ili kuendelea na elimu ya sekondari.
Mheshimiwa Bonnah Kaluwa akizungumzia umuhimu wa elimu katika jamii namna ya kuwaendeleza watoto wenye uwezo wa kuelewa darasani

Mkurugenzi wa Bonnah Education Trust Fund na Diwani wa Kata ya Kipawa Manispaa ya Ilala jijini Dar es salaam Mheshimiwa Bonnah Kaluwa ameitaka jamii kujenga utamaduni wa kupenda kusaidia watoto wanaofaulu elimu ya msingi ili kuendelea na elimu ya sekondari.


Mheshimiwa Kaluwa alisema idadi kubwa ya watoto wanaofanya vizuri wanatokea katika familia masikini, ambazo hazina uwezo wa kuwalipia ada watoto hao, hali inayowakwamisha watoto hao katika elimu ya sekodnari.


Alisema hayo wakati akifanya mahojiano maalumu na Blog ya mahabati katika hotel ya Serena iliyopo Posta jijini Dar es salaam.




Mheshimiwa Bonnah Kaluwa akihojiwa na mwasisi wa blog ya Mahabati Upendo Martin Mwase
 Aidha alisema moja ya changamto kubwa iliyopo katika elimu, ni uwezo mdogo wa baadhi ya familia ambazo watoto wanaofaulu wanatokea.


“mimi naumia sana kuona watoto wenye uwezo mkubwa wa elimu wakiwa wanashindwa kuendelea na elimu kwa sababu ya kukosa ada ambayo ni elfu 40 tu kwa mwaka, na ndiyo maana nimeamua sasa kuanzisha mfuko wa kuwasaidia watoto hao.

“kwa kuanza nimeanza na watoto mia moja ingawa watoto wako wengi ila mimi nimeamua nianze na hao, nimejaribu kuomba ufadhili katika kampuni zaidi ya 90, kamupuni 40 zimeonyesha moyo wa kunisaidia katika jitihada zangu hizi.

“kampuni ya simu za mikononi Tanzania Tigo imekubali kuwasomesha watoto zaidi ya 40, na mimi mwenyewe nasomesha watoto wengine watano kwa kushirikiana na Rafiki zangu”alisema Mheshimiwa Bonnah Kaluwa.

Hata hivyo aliongeza kuwa tatizo hilo ni la nchi nzima, ila kwa kuwanza yeye ameamua kuanza kwa manispaa ya Ilala jijini Dar es salaam.

Pamoja na mambo mengine aliwataka wanawake kujishughulisha na shughuli mbalimbali za maendeleao ili kujikwamua na umaskini.

Mheshimiwa Kaluwa ametoa kauli hiyo wakati akizungumza na Radio Mlimani, juu ya changamoto zinazowakabili wanawake.

Amesema kuwa pamoja na changamoto mbalimbali wanawake wanapaswa kujiamini, na kwamba wanawake wanaweza kufikia asilimia 50 katika uongozi endapo watajiamini katika nafasi mablimbali wanazopewa kwenye jamii.